Ronaldinho e bën rikthimin e madh në futboll, debutoi në ndeshjen e Serie C

Çfarë viti është ky?! Tifozët në Itali kanë mundësinë ta shohin nga afër rikthimin e një legjende në fushën e futbollit, pasi Ronaldinho debutoi të dielën me skuadrën e Ravenna FC, që garon në Serie C.

Ky moment vjen 11 vjet pas ndeshjes së tij të fundit zyrtare, të cilën e kishte zhvilluar më 26 shtator 2015 me fanellën e Fluminense.

Fituesi i Topit të Artë dhe kampion i botës me Brazilin, ish-ylli i Paris Saint-Germainit, Milanit dhe Barcelonës, tashmë është 46 vjeç e 239 ditë.

Për ta kuptuar edhe më mirë se sa i jashtëzakonshëm është ky rikthim, bashkëlojtari i tij, Bergonzini, ka lindur në vitin 2009.

Në atë kohë, Ronaldinho tashmë e kishte fituar Kupën e Botës, Ligën e Kampionëve dhe Topin e Artë.

Nëse legjenda braziliane arrin të shënojë për skuadrën e tij të re, ai do të regjistrojë edhe golin e 300-të në karrierën profesioniste.

Ravenna po fiton 1-0 pas pjesës së parë, me Giulio Donati që shënoi golin në minutën e 36-të.

Me këtë fitore, Ravenna shkon në kuotën e 32 pikëve, në vendin e dytë, gjashtë më pak se Spezia në vendin e parë.