Një zjarr ka shpërthyer sot në Kompleksin Klinik “8 Shtatori” në Shkup, duke shkaktuar mobilizimin e menjëhershëm të ekipeve të zjarrfikësve, policisë dhe shërbimeve të urgjencës.

Sipas informacioneve të para, pas shpërthimit të zjarrit ka nisur edhe evakuimi i pacientëve, me qëllim garantimin e sigurisë së tyre dhe të personelit mjekësor.

Në vendngjarje kanë mbërritur disa ekipe zjarrfikëse, të cilat po punojnë për lokalizimin dhe shuarjen e flakëve, ndërsa autoritetet po vlerësojnë situatën.

Për momentin nuk ka informacione zyrtare për persona të lënduar apo për shkaqet që kanë çuar në shpërthimin e zjarrit.

TetovaSot do të ndjekë zhvillimet dhe do t’ju informojë me detaje të reja sapo autoritetet kompetente të publikojnë informacione zyrtare.

Ne përdorim cookies për të përmirësuar përvojën tuaj dhe për të analizuar trafikun në faqe. Duke vazhduar përdorimin e faqes, ju pranoni përdorimin e cookies sipas Politikës së Privatësisë. Pranoj Me shume