Barça fiton minimalisht ndaj Getafes, vazhdon sundimin në La Liga

Barcelona ka shënuar fitore ndaj Getafes me rezultat minimal 1-0 në kuadër të xhiros së shtatë në La Liga.

Kjo fitore erdhi falë golit të polakut, Robert Lewandowski i cili realizoi në minutën e 19-të.

Kjo ishte fitorja e shtatë në po aq ndeshje për Blaugranat.

Pas shtatë ndeshjesh, skuadra e drejtuar nga Hansi Flick kryeson në tabelën e La Ligas me 21 pikë, katër më shumë se ndjekësi i parë Real Madridi.

Kurse Getafe pas kësaj humbje mbetet në vendin e 19-të me katër pikë.

Ndeshjen e radhës Barcelona e luan ndaj Osasunës si mysafire në fundjavë, kurse Getafe do të takohet me Alavesin.