Bardhi vendimtar në fitoren e Maqedonisë së Veriut

Enis Bardhi ka shënuar njërin prej dy golave të fitores së Maqedonisë së Veriut. Të martën mbrëma në Shkup, Maqedonia e Veriut mposhti Armeninë me rezultatin 2:0. Kjo ndeshje i takoi Grupit 4 të Ligës C të Ligës së Kombeve të UEFA-s.

Bardhi shënoi golin e parë në minutën e 70-të, kurse të dytin Maqedonia e Veriu e shënoi në minutën e 79-të nëpërmjet Bojan Miovskit.

Kapiteni Bardhi kompletoi takimin. Gjatë gjithë ndeshjes luajti edhe Visar Musliu, ndërsa Isnik Alimi u largua nga fusha në minutën e 59-të. Lirim Qamili luajti nga minuta e 59-të, kurse Ezgjan Alioski mbeti në stol.

Maqedonia e Veriut është në vendin e parë me katër pikë. Nga tri pikë kanë Armenia dhe Letonia. Ishujt Faroe janë të fundit me një pikë.