Për herë të parë pas 13 vitesh, Turqia në samitin e punëve të jashtme të Ligës Arabe

Ministri i Jashtëm turk Hakan Fidan do të marrë pjesë në seancën e 162-të të Këshillit të Ministrave të Jashtëm të Ligës Arabe në kryeqytetin egjiptian, Kajro , më 10 shtator.

Është hera e parë që Turqia ftohet në samit që nga viti 2011.

Sipas burimeve diplomatike turke, Hakan Fidan në seancën hapëse të samitit do të trajtojë marrëdhëniet e Turqisë me Ligën Arabe, si dhe çështjet rajonale, veçanërisht luftën në Gaza.

Burime të Ministrisë së Jashtme turke theksuan gjithashtu se “në mbledhjet e Këshillit të Ministrave të Jashtëm të Ligës Arabe, duke filluar nga viti 2018, janë miratuar rezoluta të pafavorshme me pretendimin se Turqia ndërhyn në punët e brendshme të vendeve arabe por theksoi se gjuha e përdorur në rezolutat e sipërpërmendura u zbut gradualisht si rezultat i iniciativave të marra me kalimin e kohës në nivele të ndryshme dhe zhvillimit të marrëdhënieve me vendet arabe, veçanërisht me Egjiptin”.