Albina Kelmendi pretendentja kryesore për ta fituar festivalin “Kënga Magjike”

Albina Kelmendi vazhdon ritmin pa u ndalur. Këngëtarja e njohur do të ngjitet në skenën e “Kënga Magjike 2025”, këtë herë me projektin “Gënjeja”, një këngë e ndërtuar tërësisht nga Adrian Hila – muzika, teksti dhe orkestrimi.

Albina e ka prezantuar këngën me shumë emocion, duke theksuar bashkëpunimin e ngrohtë dhe profesional me Hilën, një emër që di t’i japë peshë muzikës.

Ajo nuk ka lënë pa përmendur edhe stilistin Joni Peci, i cili është kujdesur për veshjen, duke i dhënë asaj siguri dhe identitet në çdo detaj.

Albumet, skenat dhe garat, Albina i shkel të gjitha me të njëjtën energji.

“Kënga Magjike 2025” duket se është thjesht kapitulli i radhës në hovin e saj që nuk po ndalet. “Gënjeja” pritet të jetë një nga prurjet më të forta të këtij edicioni.