Anulohet mësimi në Prishtinë, shkak kushtet atmosferike

Institucionet arsimore në Prishtinë nuk do të zhvillojnë mësim sot, pas vendimit të marrë nga autoritetet për shkak të kushteve të përkeqësuara atmosferike.

Reshjet e mëdha të shiut kanë krijuar vështirësi të konsiderueshme në komunikacion.

Vendimi është marrë në koordinim me Drejtorinë e Sigurisë dhe Emergjencave, Drejtorinë e Shërbimeve Publike, drejtorët e shkollave si dhe me Kryetarin e Kryeqytetit. Autoritetet theksojnë se ky është një hap preventiv që ka për qëllim mbrojtjen dhe sigurinë e fëmijëve.