Artemis III drejt Hënës, NASA dhe SpaceX zbulojnë planin e misionit të madh të vitit 2027 dhe ekuipazhin

Përfaqësues të NASA dhe kompanive partnere Blue Origin dhe SpaceX kanë prezantuar detajet kryesore të misionit Artemis III, i cili synon të shënojë hapin e radhës të madh drejt kthimit të njerëzve në Hënë.

Sipas planit të prezantuar, misioni do të zhvillojë në vitin 2027 një sërë testimesh të avancuara në orbitën e Tokës. Këto prova konsiderohen thelbësore për përgatitjen e Artemis IV, misionit të parë të planifikuar me ekuipazh që do të zbarkojë në Polin Jugor të Hënës në vitin 2028.

NASA ka bërë të ditur planin operacional të misionit, sipas të cilit ekuipazhi do të përbëhet nga katër astronautë, të cilët do të lëshohen nga Qendra Hapësinore Kennedy në Florida.

Pas përfundimit të misionit, ekuipazhi do të rikthehet në Tokë me një ulje në Oqeanin Paqësor, ku do të merret nga ekipet e Marinës së SHBA-së dhe NASA-s. Sipas agjencisë amerikane, kohëzgjatja totale e misionit pritet të jetë rreth dy javë. NASA thekson se plani përfshin rreziqe të kontrolluara dhe të llogaritura, me qëllim mbledhjen e të dhënave të vlefshme që do t’i bëjnë misionet e ardhshme më të sigurta dhe më efikase në kthimin e njerëzve në sipërfaqen hënore.

“Sot po bëjmë një tjetër hap të guximshëm në kthimin e njerëzimit në Hënë, duke u mbështetur në themelet e jashtëzakonshme të vendosura nga astronautët e Artemis II”, deklaroi drejtori i NASA-s, Jared Isaacman.

Zëvendëspresidenti i Blue Origin, John Couluris, e cilësoi Artemis III një hap vendimtar drejt uljes me ekuipazh në Hënë, duke theksuar se ekipet e NASA-s dhe kompanisë po punojnë intensivisht për të qenë gati për nisjen në vitin 2027.

Ai shtoi se Blue Origin mbetet e përkushtuar ndaj misionit, pavarësisht një shpërthimi të fundit të një rakete në një prej objekteve të saj, duke theksuar se puna po vijon me intensitet të shtuar.

Nga ana e SpaceX, zëvendëspresidentja Jessica Jensen prezantoi planet e zhvillimit të kompanisë, duke bërë të ditur se janë tashmë në ndërtim anije të reja Starship dhe përforcues raketorë në kuadër të programit Artemis.

Ajo zbuloi gjithashtu se SpaceX po ndërton tre baza shtesë lëshimi në Florida dhe Teksas. Sipas saj, kombinimi i ripërdorimit të karburantit dhe zhvillimit të infrastrukturës së re pritet të mundësojë në të ardhmen operacione me frekuencë dhe efikasitet të ngjashëm me transportin ajror.

Gjatë prezantimit u bënë publike edhe emrat e pjesëtarëve të ekuipazhit që do të marrin pjesë ose do të mbështesin misionin Artemis III.

Bob Hines Bob Hines do të shërbejë si anëtar rezervë i ekuipazhit. Ai është pilot testues me përvojë prej 170 ditësh në hapësirë dhe mund të marrë çdo rol që kërkohet.

Andre Douglas Andre Douglas dhe Frank Rubio Frank Rubio do të shërbejnë si specialistë të misionit.

Detyrën e pilotit do ta marrë astronauti i Agjencisë Hapësinore Italiane, Luca Parmitano Luca Parmitano, i cili ka mbi 300 ditë eksperiencë në hapësirë.

Ndërsa komandanti i misionit do të jetë astronauti i NASA-s, Randy Bresnik Randy Bresnik, i cili do të udhëheqë ekipin e Artemis III.