Ramush Haradinaj për vdekjen e Sahit Jasharit: Lajm i rëndë për ne bashkëluftëtarët

Ramush Haradinaj, ka reaguar pas vdekjes së Sahit Jasharit, duke e cilësuar atë si një nga nismëtarët e luftës çlirimtare dhe bashkëluftëtar të komandantit Adem Jashari dhe Hamzë Jasharit.

Haradinaj tha se ndarja nga jeta e Sahit Jasharit është një lajm i rëndë për bashkëluftëtarët, familjarët dhe të gjithë ata që bashkëvepruan me të nga përpjekjet për liri deri te shtetndërtimi.

Ai u shprehu ngushëllime familjes Jashari, miqve dhe bashkëluftëtarëve, duke shtuar se kujtimi për të do të jetë i përhershëm.

Postimi i plotë:

Sahit Jashari ishte ndër nismëtarët e luftës çlirimtare, bashkëluftëtar i komandantit legjendar Adem Jashari dhe Hamzës. Ndarja e tij nga jeta është lajm i rëndë për ne bashkëluftëtarët, për familjarët dhe për të gjithë ata që patën rastin të bashkëveprojnë me të, që nga përpjekjet tona për liri e deri në shtetndërtim.

Me këtë rast, shpreh ngushëllimet më të sinqerta për familjen Jashari, bashkëluftëtarët e miqtë.

I përhershëm qoftë kujtimi për Sahit Jasharin!
I qoftë i lehtë dheu i Kosovës!