Mungojnë gati 8 tonë kanabis mjekësor në Strumicë, kallëzime penale ndaj kompanisë dhe drejtuesit

Mungojnë gati 8 tonë kanabis mjekësor në Strumicë, kallëzime penale ndaj kompanisë dhe drejtuesitScreenshot
SPB Strumicë ka ngritur kallëzime penale ndaj një personi juridik nga fshati Borisovë, në komunën e Novo Sellës, si dhe ndaj V.K. nga fshati Novo Sellë, me qëndrim në Strumicë, i cili është drejtues i kompanisë.

Ata dyshohen për vepra penale sipas nenit 95-v, paragrafët 1 dhe 2, të Ligjit për Kontrollin e Drograve Narkotike dhe Substancave Psikotrope.
Gjatë një kontrolli në ambientet e kompanisë, ku ruhej lulja e tharë e kanabisit mjekësor, zyrtarët policorë të SPB Strumicë dhe përfaqësues të komisionit kompetent pranë Ministrisë së Shëndetësisë konstatuan mungesë të dokumentacionit për personelin e angazhuar, si dhe të dokumenteve të tjera të detyrueshme.

Reklamë
Akora Living
Gjithashtu, u konstatua mungesa e 7.813,49 kilogramëve lulë kanabisi mjekësor të tharë, për të cilën sasi kompania nuk dispononte dokumentacion përkatës që do ta justifikonte atë.