Pa patentë, 22-vjeçari nga Çegrani rrëzohet me moped dhe përfundon në spital

Një i ri nga Çegrani ka pësuar lëndime pasi është rrëzuar me mopedin që e drejtonte pa patentë shoferi, raporton Tetovasot.

Rasti është raportuar nga Qendra Mjekësore e Gostivarit, ku 22-vjeçari L.F. është dërguar për trajtim.

Nga hetimet policore është konstatuar se aksidenti ka ndodhur në fshatin Çegran, ndërsa drejtuesi nuk posedonte patentë shoferi. Pas dokumentimit të rastit do të ngrihet kallëzim përkatës, raporton Tetovasot.