Sallai: Deri në orën 11:00, në Bërvenicë kanë votuar 1.480 qytetarë, dalja 9,11% (VIDEO)

Deri në orën 11:00, pjesëmarrja në zgjedhjet e jashtëzakonshme për kryetar të Komunës së Bërvenicës ka arritur në 9,11 për qind, ndërsa të drejtën e votës e kanë shfrytëzuar gjithsej 1.480 qytetarë.

Këtë e bëri të ditur kryetarja e Komisionit Komunal të Zgjedhjeve (KKZ) në Bërvenicë, Nedime Sallai, e cila njoftoi për daljen e qytetarëve në votime gjatë orëve të paradites.

Procesi zgjedhor në këtë komunë po vazhdon, ndërsa qytetarët kanë mundësi të votojnë për njërin nga gjashtë kandidatët që garojnë për postin e kryetarit të komunës.

TetovaSot do të vazhdojë t’ju informojë për zhvillimet e fundit dhe të dhënat e reja mbi pjesëmarrjen në votime gjatë ditës.