Dhuna në familje në rritje – dhjetëra denoncime brenda 24 orëve

Rreth dhjetë denoncime për dhunë në familje dhe shkelje të urdhrave për ndalimin e afrimit ndaj anëtarëve të familjes janë evidentuar në buletinin e sotëm policor.

Kështu, Zyra e Jashtme për Punë Kriminalistike në Makedonski Brod ka ngritur kallëzim penal kundër J.N. (56) nga një fshat i kësaj komune, për shkak të dyshimeve për kryerjen e veprës penale “rrezikim i sigurisë”. Më 06.11.2026, në shtëpinë familjare, i denoncuari kishte sulmuar fizikisht bashkëshorten e tij dhe i kishte kërkuar që ta tërhiqte kallëzimin e mëparshëm penal për dhunë në familje, për të cilin ishte caktuar seancë gjyqësore.

SPB Koçan ka ngritur kallëzim penal kundër B.R. (38) nga Koçani, për shkak të dyshimeve për kryerjen e veprës penale “rrezikim i sigurisë”. Më 17.10.2026, në shtëpinë familjare, i denoncuari ishte sjellë në mënyrë agresive ndaj bashkëshortes së tij dhe kishte kërcënuar djalin e tij 18-vjeçar.

Më 10.11.2026, në orën 13:15, në Strumicë, zyrtarët policorë nga SPB Strumicë e kanë privuar nga liria V.D. (27) nga rajoni i Strumicës, pas një denoncimi paraprak se kishte sulmuar fizikisht bashkëshorten e tij. Pas dokumentimit të plotë të rastit, do të parashtrohet kallëzim përkatës.

Më 10.11.2026, në orën 23:10, në SPB Manastir, një 21-vjeçare nga Manastiri ka denoncuar se rreth orës 17:00 ishte sulmuar fizikisht nga partneri i saj K.U. Sipas denoncimit, ai për një periudhë më të gjatë kohore e kishte keqtrajtuar fizikisht dhe psikologjikisht, si dhe e kishte kërcënuar. Po ndërmerren masa për zbardhjen e plotë të rastit.

Më 10.11.2026, në orën 19:05, në Radovish, zyrtarët policorë nga SPB Strumicë – NJPB Radovish e kanë privuar nga liria S.A. (19) nga Radovishi, pas një denoncimi se kishte sulmuar fizikisht gjyshen e tij 70-vjeçare. Pas dokumentimit të plotë të rastit, do të parashtrohet kallëzim përkatës.

Më 10.11.2026, në orën 22:00, në Manastir, zyrtarët policorë nga SPB Manastir e kanë privuar nga liria G.A. (22) nga Manastiri, pasi kishte sulmuar fizikisht partneren e tij jashtëmartesore, gjithashtu 22-vjeçare. Pas dokumentimit të plotë të ngjarjes, do të pasojë parashtresë përkatëse.

Zyra e Jashtme për Punë Kriminalistike në Gostivar ka ngritur kallëzim penal kundër B.A. (34) nga Gostivari, për shkak të dyshimeve për kryerjen e veprave penale “rrezikim i sigurisë” dhe “përndjekje”. Më 04.11.2026, i denoncuari i kishte dërguar bashkëshortes së tij, me të cilën është në procedurë divorci, mesazhe me përmbajtje kërcënuese përmes një aplikacioni në telefon dhe e kishte filmuar me telefon celular.

Më 10.11.2026, në orën 01:10, në Gjevgjeli, zyrtarët policorë nga SPB Strumicë – NJPB Gjevgjeli e kanë privuar nga liria një grua 33-vjeçare nga rajoni i Gjevgjelisë, pas një denoncimi se kishte sulmuar fizikisht ish-partnerin e saj. Pas dokumentimit të plotë të rastit, do të parashtrohet kallëzim përkatës.

Më 10.11.2026, në orën 16:10, zyrtarët policorë nga SPB Veles kanë zhvilluar bisedë zyrtare me E.D. (70) nga Velesi, pas një denoncimi paraprak se nuk kishte respektuar vendimin e Gjykatës Themelore të Velesit, me të cilin i ndalohej t’i afrohej, ta kërcënonte dhe ta keqtrajtonte kunatin e saj 66-vjeçar nga Velesi. Sipas denoncimit, ajo e kishte kërcënuar atë. Për rastin është njoftuar prokurori publik dhe po ndërmerren masa për zbardhjen e ngjarjes.

SPB Tetovë ka ngritur kallëzim penal kundër F.A. (33) nga Tetova, për shkak të dyshimeve për kryerjen e veprës penale “rrezikim i sigurisë”. Më 14.10.2026, derisa po udhëtonin me automjetin e tyre, i denoncuari i kishte drejtuar kërcënime bashkëshortes së tij 34-vjeçare nga Tetova.