Pas sherrit ku u përfshinë Wanda Nara, Mauro Icardi dhe partnerët e tyre të rinj, kanë dalë në qarkullim thashetheme të tjera që po ushqejnë edhe më shumë telenovelën e famshme argjentinase.

Në qendër të lajmeve të fundit ishte një flirt i pretenduar në të kaluarën mes aktores China Suarez dhe Leandro Paredes, ish-shok skuadre i Icardit te PSG-ja.

Edhe Mauro Icardi ka reaguar përmes një postimi në Instagram, duke iu drejtuar mediave dhe personave që përhapin thashetheme.

“Nuk do t’ju kërkoj të ndaloni së foluri për ne. E kuptoj që keni fatura për të paguar, por duhet të jetë vërtet e çuditshme të na urreni kaq shumë, ndërkohë që paga juaj varet pikërisht nga ekzistenca jonë. Mendoni se jeni zotëruesit e së vërtetës, por në fakt jeni thjesht punonjës të thashethemeve të lira. Ju këshilloj të mos merreni kaq shumë me jetën tonë, pasi keni mjaftueshëm probleme me jetën tuaj”, shkroi futbollisti.

Ne përdorim cookies për të përmirësuar përvojën tuaj dhe për të analizuar trafikun në faqe. Duke vazhduar përdorimin e faqes, ju pranoni përdorimin e cookies sipas Politikës së Privatësisë. Pranoj Me shume