Sërish tentim për nxjerrje ilegale të parave nga vendi, një personit i konfiskohen 6850 euro

Drejtoria Doganore ka njoftuar se është parandaluar një përpjekje për nxjerrje të paligjshme të valutave në pikën kufitare Tabanoc në shumën prej 6,850 euro, pasi një shtetas maqedonas nuk i kishte deklaruar ato. Valutat u konfiskuan dhe kundër personit u ngrit një kallëzim për shkelje të valutave.

Personi, përndryshe pasagjer në një automjet të rëndë dhe shoferi i kamionit, kur u pyetën nga oficerët doganorë nëse kishin diçka për të deklaruar, thanë se nuk kishin asgjë. Për shkak të dyshimit, automjeti u përzgjodh për kontroll, ku në xhepin e majtë të përparmë të pasagjerit u gjetën 8,850 euro për të cilat personi nuk posedonte dokument për origjinën e parave.

Sipas Ligjit për Punë Valutore, personit iu kthyen dy mijë euro, ndërsa pjesa tjetër u konfiskua.

Ky është rasti i dytë brenda dy ditëve për konfiskim të valutave. Apelojmë tek qytetarët që t’i deklarojnë valutat gjatë hyrjes dhe daljes nga shteti.