Henry jep dorëheqje të befasishme nga Franca U21

Ish-sulmuesi i Arsenalit, Thierry Henry ka vendosur të largohet nga pozita e selektorit të Përfaqësueses U21 të Francës. Lajmin e ka bërë të ditur të hënën Federata e Futbollit e Francës.

“Do të doja të falënderoja FFF-në dhe presidentin, Philippe Diallo, të cilët më ofruan këtë mundësi të jashtëzakonshme. Medalja e argjendtë e fituar në Lojërat Olimpike për vendin tim do të mbetet një nga krenaritë më të mëdha të jetës sime. I jam jashtëzakonisht mirënjohës Federatës, lojtarëve, stafit dhe mbështetësve që më lejuan të jetoj një përvojë magjike”, u shpreh Henry.

Henry me Francën e fitoi medaljen e argjendtë në Lojërat Olimpike “Parisi 2024”. Në finale u mposhtën nga Spanja.

Me grupmoshën U21 të Francës, Henry ka regjistruar katër fitore dhe dy disfata.