Real Madridi s’e harron Cristiano Ronaldon, i bën një urim të veçantë

As Real Madridi nuk ishte indiferent ndaj arritjes së pabesueshme të shifrës prej 900 golave ​​të arritur këtë të enjte nga Cristiano Ronaldo.

Në një mesazh të publikuar në rrjetet sociale, madrilenët e uruan ish-lojtarin e tyre dhe kapitenin e kombëtares së Portugalisë për “suksesin historik”.

“Një tjetër moment historik: 900 gola në karrierën profesionale të një prej legjendave më të mëdha të Real Madridit dhe futbollit botëror. Urime, i dashur dhe i admiruar Cristiano Ronaldo ”, ka shkruar Real Madrid .

Për të përfunduar mesazhin, klubi spanjoll i la një garanci CR7: ” Real Madrid dhe tifozët e Real Madridit janë gjithmonë krenarë për ju.”