Kryeministri britanik: Londra dhe Parisi po punojnë me Kievin për të ndaluar luftën

Kryeministri britanik Keir Starmer njoftoi se Mbretëria e Bashkuar dhe Franca po punojnë së bashku për një plan për të ndalur luftimet midis Ukrainës dhe Rusisë, disa orë përpara një samiti të rreth 15 liderëve evropianë në Londër.

”Pas bisedimeve me presidentët e SHBA-së, Ukrainës dhe Francës, ne kemi rënë dakord që Mbretëria e Bashkuar, me Francën, dhe ndoshta një ose dy të tjerë, do të punojnë me Ukrainën në një plan për të ndalur luftimet dhe më pas ne do ta diskutojmë atë plan me Shtetet e Bashkuara”, tha Keir Starmer në një intervistë për BBC.