“Do t’u konfiskohen automjetet atyre që vozisin jashtë çdo logjike”, Toshkovski: Kanë nisur procedurat për ndryshimet ligjore që mundësojnë funksionimin e “Safe City”

-Qytetarët duhet të jenë të vetëdijshëm se në të ardhmen, në lidhje me ata që pa kujdes për pasojat drejtojnë automjete, jashtë çdo logjike, do të shkohet edhe me masa më rigoroze, respektivisht do të shkohet edhe me konfiskimin e vetë automjetit, tha ministri i Punëve të Brendshme, Pançe Toshkovski në lidhje me sistemin “Safe City”, shkruan TV21. Toshkovski tha se kanë nisur procedurat për ndryshimet e ligjeve që të vihet në funksion ky sistem.

“Po, e saktë është që të mund ta fusim në funksion këtë sistem, kemi nevojë të ndryshojmë përafërsisht 6-7 ligje. Ka nisur procedura për secilin prej këtyre ligjeve, por jo vetëm ligje që janë të lidhura drejtpërdrejtë me implementimin e sistemit “Safe City” si projekt, por edhe ligje që duhet të bëjnë dallime thelbësore dhe ndarje nga mungesa e rendit në të kaluarën, me atë që duhet ta zbatojmë si rend dhe qetësi normale”, tha Toshkovski.