Selena Gomez flet hapur për martesën me Benny Blanco: Deri tani ka qenë një ëndërr e vërtetë

Selena Gomez ka dhënë një përditësim të sinqertë mbi jetën e saj martesore me Benny Blanco, dy muaj pas martesës së tyre më 27 shtator në Santa Barbara.

Këngëtarja 33-vjeçare u shpreh në një intervistë për Apple Music me Zane Lowe se martesa deri tani ka qenë një përvojë e mrekullueshme.

“Deri tani ka qenë një ëndërr e vërtetë”, tha Selena, duke shtuar se e di që do të ketë ulje-ngritje, por se Benny është “personi më i bukur me të cilin mund ta bëja këtë”, shkruan DailyMail.

Çifti, i cili konfirmoi lidhjen e tyre në dhjetor 2023 dhe u fejuan një vit më vonë, duket të jenë shumë të lidhur dhe të lumtur në fillimet e jetës së tyre së bashku.

Pas martesës, ata janë parë duke shijuar shëtitje romantike në plazh dhe duke ndarë momente të ëmbla në rrjetet sociale. Benny ka publikuar edhe një selfie me nusen e tij të re, duke e quajtur “princeshë të vërtetë të Disney-t”.

Selena gjithashtu zbuloi disa momente të humorit dhe tensionit para dasmës, duke treguar se propozimi për martesë pothuajse nuk ndodhi siç ishte planifikuar për shkak të lodhjes së saj në mëngjesin e xhirimit.

Megjithatë, çdo gjë përfundoi me sukses dhe çifti tani po shijon muajt e parë të martesës së tyre.

Bashkëpunimet muzikore të Selenës, përfshirë artistë si Ed Sheeran dhe Rihanna, dhe unaza e fejesës me vlerë rreth 1 milion dollarë nga Benny, kanë tërhequr gjithashtu vëmendjen e medieve, duke bërë që çifti të jetë një nga më të komentuarit në industrinë e argëtimit këtë vit.