“Mjaft me gjenocidin në Gaza”, Europa shpërthen në protesta

Dhjetëra mijëra njerëz kanë marshuar në qytete të ndryshme të Europës duke denoncuar luftën izraelite në Gaza dhe duke kërkuar reagim më të fortë ndërkombëtar ndaj shkeljeve të vazhdueshme të armëpushimit të ndërmjetësuar nga SHBA-të.

Protestat, të zhvilluara të shtunën, 29 nëntor, me rastin e Ditës Ndërkombëtare të Solidaritetit me Popullin Palestinez, vijnë ndërsa numri i viktimave në Gaza i ka kaluar 70 mijë. Ndër të fundit viktima, janë dy djem të moshave 8 dhe 10 vjeç, të vrarë në një sulm me dron në Bani Suheila, në jug të Rripit të Gazës.