Indonezia kërkon qindra të zhdukur në përmbytjet vdekjeprurëse

Ekipet e shpëtimit në Indonezi po kërkojnë të paktën 400 persona që janë raportuar të zhdukur, shumë prej të cilëve besohet se janë varrosur nën rrëshqitjet e dheut, pasi shirat ciklonikë shkaktuan përmbytje katastrofike gati një javë më parë.

Numri i të vdekurve në ishullin e Sumatrës është rritur në më shumë se 440, thotë qeveria, ka raportuar BBC, transmeton Gazeta Express.

Ndihma është dërguar në zonat e prekura nga ajri dhe deti, por disa fshatra ende nuk kanë marrë asgjë, dhe ka raportime për njerëz që vjedhin ushqim dhe ujë për të mbijetuar.

Shirat e rrëmbyeshëm dhe stuhitë kanë shkatërruar pjesë të Tajlandës, Malajzisë, Filipineve dhe Sri Lankës, duke prekur miliona njerëz dhe duke lënë më shumë se 900 të vdekur në të gjithë rajonin këtë muaj.