Prokuroria ngrit akuzë ndaj bashkëpunëtorëve në arratisjen e shoferit 18-vjeçar

Prokuroria Themelore Publike në Shkup ka ngritur akuzë kundër një burri dhe një gruaje të cilët, si bashkëpunëtorë, kanë ndihmuar 18-vjeçarin, i cili më 9 janar të këtij viti me automobil “folksvagen pasat” përplasi një grua në Kapishtec, të largohet nga vendi.

Të pandehurit, të cilët akuzohen për veprën penale “Ndihmë ndaj kryerësit të veprës penale pas kryerjes së një veprës penale”, e dënueshme sipas nenit 365, paragrafi 2 i Kodit Penal, më 9 janar, së bashku me paramendim, ndihmuan të arratiset Saitov Saiti (18), person i dyshuar për krime të rënda kundër sigurisë së njerëzve dhe pronës në trafik, dhe për mosdhënien e ndihmës një personi të lënduar në një aksident trafiku.

“Me automobil “Mercedes” me targa të Shkupit, burri dhe gruaja mbërritën në shtëpinë e të dyshuarit menjëherë pas aksidentit, e morën atë dhe babanë e tij dhe i transportuan në Republikën e Serbisë përmes vendkalimit kufitar Tabanocë. I lanë atje, pas së cilës ndihmësit u kthyen në vend rreth mesnatës”, thuhet në kumtesën e Prokurorisë.

Prokurori publik, me akuzën, paraqiti edhe propozim për zgjatjen e masave të përcaktuara më parë nga gjykata – paraburgim për të pandehurin dhe arrest shtëpiak për të pandehurën.

I dyshuari Saitov Sait (18) për aksidentin fatal të trafikut është ende i padisponueshëm për organet e përndjekjes dhe është në kërkim nga autoritetet policore në bazë të një urdhër-arresti ndërkombëtar të lëshuar nga PTHP Shkup. Njëkohësisht, prokuroria po ndërmerr veprime për të hetuar përgjegjësinë e mundshme edhe të personave të tjerë në këtë ngjarje.