‘Do t’i godasim shumë fort’, Trump paralajmëron Iranin

Presidenti amerikan Donald Trump ka kërcënuar se do ta godasë Iranin “shumë fort përsëri” nëse ky i fundit nuk i ndalon aleatët e tij në Liban.

Trump iu referua Hezbollahut, një grup paramilitar i lidhur me Iranin, i cili ka shkëmbyer zjarr me Izraelin.

“Irani duhet t’i ndalojë menjëherë përfaqësuesit e tyre të paguar shumë në Liban që të shkaktojnë probleme”, shkroi ai.

“Nëse nuk e bëjnë këtë, ne do ta godasim Iranin shumë fort përsëri, ashtu siç bëmë javën e kaluar, vetëm më fort!!! Presidenti DONALD J. TRUMP.”

Izraeli ka vrarë 47 persona në Liban që kur u nënshkrua marrëveshja Iran-SHBA, sipas zyrtarëve civilë vendas, dhe Hezbollahu ka vrarë pesë ushtarë izraelitë.