Aksion në Gostivar, sekuestrohen stoli ari me vlerë rreth 87 mijë euro

Gostivar – Një aksion i përbashkët i policisë, Doganës, DAP-it dhe Inspektoratit Shtetëror të Tregut ka rezultuar me sekuestrimin e një sasie të madhe stolish ari në një argjendari në qendër të Gostivarit.

Siç raporton Tetovasot, gjatë kontrollit janë sekuestruar 1 kilogram e 327 gramë stoli ari, me vlerë të përllogaritur prej rreth 86.959 euro, për shkak se nuk ishin të deklaruara dhe nuk posedonin vulën përkatëse.

Procedurën e mëtejshme do ta zhvillojë Inspektorati Shtetëror i Tregut.