Çellopeku gjallërohet pas orës 11:00, qytetarët dalin për të votuar. Ja çka thonë (VIDEO)

Me fillimin e orës 11:00, në fshatin Çellopek është vërejtur një fluks më i madh i qytetarëve drejt vendvotimeve, për të votuar kandidatin e tyre të preferuar në zgjedhjet e jashtëzakonshme për kryetar të Komunës së Bërvenicës.

Në prononcimet për portalin TetovaSot, disa banorë thonë se e kanë shfrytëzuar të drejtën e votës, por shprehin skepticizëm nëse zgjedhjet do të sjellin ndryshime konkrete.

“Votova, por s’besoj se do të ndryshojë diçka”, thotë një banor i Çellopekut për TetovaSot.

“Votova, inshallah bëhet më mirë”, shprehet një tjetër qytetar.

Ndërsa një banor tjetër tregon hapur mbështetjen e tij për kandidatin Arkin Jahi.

“Votova për Arkin Jahin, e meriton”, deklaron ai.

Disa nga qytetarët gjithashtu u bëjnë thirrje shqiptarëve që të dalin sa më masovikisht në votime, duke theksuar rëndësinë e pjesëmarrjes në procesin zgjedhor./TS/