Drejtoria e doganave sekuestroi ilaçe, deviza, pije alkoolike, artikuj fetarë…

Drejtoria e doganave sot informoi se gjatë javës së kaluar, zyrtarër doganorë kanë zbuluar disa përpjekje për të kontrabanduar mallra të ndryshme, duke sekuestruar deviza, cigare, motor të të përdorur, pije alkoolike, ilaçe dhe artikuj të ndryshëm fetarë.

Përkohësisht janë konfiskuar:

-27 pako cigare me pulla akcize të Maqedonisë së veriut nga markat Marlboro dhe Rothmans, të zbuluara në Aeroportin Ndërkombëtar të Shkupit gjatë kontrollit të një valixheje të një pasagjeri që kishte ndërmend të udhëtonte me fluturim për në Londër.

-Një motor i përdorur për një automjet MITSSUBISHI PAJERO të vitit 1994 u gjet në bagazhin e një makine me të hyrë në vend në pikën kufitare Novosellë.

-Në pikën kufitare Shën Naum në hyrje të vendit, janë sekuestruar 75 paketa dhe 123 shirita me lloje të ndryshme ilaçesh (Amaryl 2 mg, Anafranil 25 mg, Procto Synalar-N 15 g, Androcur 50 mg, Pilokarpine, Arava 20 mg dhe të tjera) për importin e të cilave kërkohet leje nga Agjencia për Barna dhe Pajisje Mjekësore. Ilaçet janë gjetur në një qese dhe një çantë të vendosur nën sediljet e përparme të një makine. Vlera e ilaçeve të sekuestruara përkohësisht është 83.180 denarë, ndërsa vlera e detyrimeve të shmangura është 8.526 denarë.

-58 paketa me ilaçe veterinare (Limoxin, Pentstrep, Alben Care, Macotyl 300, Agalaxipra, Exiptol, Genta 100 dhe të tjera) për të cilat kërkohet leje importi, janë zbuluar në çantat e udhëtimit të dy pasagjerëve gjatë kontrollit të një makine që ishte deklaruar për hyrje në vend në pikën kufitare Stenje.

-5.600 euro u gjetën gjatë kontrollit personal të një pasagjeri i cili u paraqit për dalje nga vendi në pikën kufitare Dellçevë. Shoferi deklaroi se mbante 2.000 euro, por në xhepin e brendshëm të xhaketës së tij u gjetën 7.600 euro për të cilat nuk kishte dokument origjine. Në përputhje me rregulloret ligjore, atij iu kthyen 2.000 euro, ndërsa 5.600 euro u ndaluan përkohësisht.

-Në hyrje të vendit në pikën kufitare Bogorodicë, 31 pako cigare PS pa pulla akcize u gjetën në zonën e gomës rezervë të një makine. Vlera e cigareve të padeklaruara është 27.900 denarë, ndërsa vlera e detyrimeve të shmangura është 55.890 denarë.

-Në bagazhin dhe mes sediljeve të një furgoni pasagjerësh i cili u paraqit për hyrje në vend në pikën kufitare Novo Sellë, u gjetën 5 pjesë makinash (parakolpë, krahë dhe kuti shpejtësie) dhe 1 motoçikletë me benzinë për fëmijë.

-10 tepihë ICON-120*170 cm, 1 pastrues me avull KIWI dhe 600 metra bazamente plastike u zbuluan gjatë kontrollit të mallrave me origjinë nga Turqia. Mallrat ishin deklaruar për zhdoganim importi në Zyrën Doganore të Gjevgjelisë dhe të destinuara për një importues nga Gostivari, por nuk ishin përfshirë në dokumentet doganore.

-842 artikuj të ndryshëm fetar, 50 kremra për fytyrën dhe 84 kilogramë mjaltë u zbuluan në 16 kuti dhe një qese të vendosura në ndarjen e ngarkesës së një kamioni që u deklarua për hyrje në vend në pikën kufitare Dojran. Vlera e produkteve, të cilat nuk ishin përfshirë në dokumentet doganore, është 899.460 denarë, dhe detyrimet e shmangura janë në shumën prej 327.067 denarë.

Gjatë së njëjtës periudhë, inspektorët e ekipeve mobile doganore parandaluan disa tentativa kontrabande, duke ndaluar përkohësisht:

– Në pikën kufitare të Bllacës, 120 cilindra bravash GUARD u gjetën në kuti kartoni të vendosura në bagazhin e një makine që ishte regjistruar për hyrje në vend.

– 23 shishe uiski LAGAVULIN 16YO 43% nga 700 ml u gjetën në ndarjet e veglave, midis sediljeve dhe në xhepat e sediljeve të një furgoni pasagjerësh që ishte regjistruar për hyrje në vend në pikën kufitare Tabanovcë.

– Në një makinë që ishte regjistruar për hyrje në vend në pikën kufitare Bllacë, u gjetën 2 konsola të përdorura PLAYSTATION 4, kontrollues të përdorur PLAYSTATION 4 dhe 9 kontrollues të përdorur X-BOX.

– Gjatë një kontrolli të një autobusi që operonte në rrugën speciale Prishtina-Stamboll-Prishtinë, i deklaruar për hyrje në vend në pikën kufitare Bllacë, nën sediljet në pjesën e poshtme në anën e djathtë, në rreshtin pas sediljes së shoferit, u zbulua një bunker i përgatitur për kontrabandë mallrash të ndryshme.