Parashtresë në Inspektoratin e Arsimit dhe Komisionin Antikorrupsion: Kërkohet verifikim i ligjshmërisë së zgjedhjes së rektorit!

Një grup anonim i personelit akademik dhe administrativ të UEJL-së ka kërkuar hetim institucional për ligjshmërinë e zgjedhjes së rektorit Sadudin Ibraimi, duke ngritur dyshime serioze për mosplotësimin e kritereve të konkursit dhe konflikt të interesit.

Dy janë çështjet kryesore që kërkohet të hetohen:

1. Njohja e gjuhës angleze. Në aplikimin e tij të datës 3 prill 2025, Ibraimi ka deklaruar njohjen e gjuhës angleze në nivel fillestar-“beginner”, ndërkohë që konkursi kërkonte njohje solide të saj. Kërkohet të verifikohet se si është konstatuar përmbushja e këtij kriteri të detyrueshëm.

2. Konflikti i mundshëm i interesit. Sipas parashtresës, Sadudin Ibraimi dhe Veli Kreci, anëtar i organeve universitare, janë kushërinj të parë. Kreci ka marrë pjesë në votimin e Senatit për tre nga katër kandidaturat për rektor, ndërsa në një fazë të mëvonshme, në Bordin e Universitetit, është përjashtuar nga votimi nga presidenti i Bordit për shkak të konfliktit të interesit me kandidatin Sadudin Ibraimi.

Pse lidhja familjare mes tyre është marrë parasysh në Bord, por jo edhe në Senat?
Parashtresa kërkon këqyrjen e dokumentacionit origjinal, procesverbaleve dhe rezultateve të votimit, si dhe konstatimin e shkeljes së dispozitave ligjore për konfliktin e interesit dhe kriteret e konkursit.

Tashmë pritet që Inspektorati Shtetëror i Arsimit dhe Komisioni Antikorrupsion të verifikojnë pretendimet dhe të ndërmarrin masa ligjore për shkeljet e konstatuara.

Me respekt,

Iniciativa për reforma në UEJL.

Ne përdorim cookies për të përmirësuar përvojën tuaj dhe për të analizuar trafikun në faqe. Duke vazhduar përdorimin e faqes, ju pranoni përdorimin e cookies sipas Politikës së Privatësisë. Pranoj Me shume