Digjet aeroplani në Korenë e Jugut, shpëtojnë 170 pasagjerë

Një aeroplan në aeroportin e Busanit të Koresë së Jugut ka marrë flakë të martën, në momentin kur brenda ndodheshin 170 pasagjerë, përfshirë ekuipazhin, raporton RTL.

Sipas mediave lokale, nuk ka viktima në këtë incident.

Është ende e paqartë se si filloi saktësisht zjarri në aeroportin Gimhae në Busan.

Sipas raportimeve të mediave koreanojugore, zjarri shpërtheu në pjesën e bishtit të një aeroplani të “Air Busan” me destinacion Hong Kongun në aeroportin Gimhae. Busan është qyteti i dytë më i madh në Korenë e Jugut pas Seulit.