Sulmet në Karakas, ministri i Mbrojtjes: Venezuela do t’u rezistojë trupave të huaja

Ministri venezuelian i Mbrojtjes, Vladimir Padrino Lopez në një video mesazh të publikuar ka reaguar lidhur me sulmet amerikane në Karakas. Lopez thekson se Venezuela do t’u rezistojë trupave të huaja.

Sipas ministrit sulmi i nisur nga forcat e armatosura amerikane goditi zonat e banuara. Ai tha se autoritetet po mbledhin informacione për të përcaktuar numrin e viktimave dhe të të plagosurve.

Presidenti i SHBA-së Donald Trump njoftoi se homologu i tij i Venezuelës Nicolas Maduro ishte kapur dhe larguar nga vendi.

Trump ka konfirmuar se SHBA-të kanë kryer një “sulm në shkallë të gjerë” kundër Venezuelës. Ai shtoi se Maduro është kapur dhe është larguar me aeroplan nga vendi së bashku me gruan e tij.

https://twitter.com/i/status/2007390160397447418