Izraeli liron 13 të burgosur palestinezë nga Gaza (VIDEO)

Ushtria izraelite ka liruar 13 të burgosur palestinezë nga Rripi i Gazës, pasi i mbajti për muaj të tërë në burgjet izraelite, raporton Anadolu

Individët e liruar u transferuan përmes pikës kufitare Kissufim me automjete që i përkisnin Komitetit Ndërkombëtar të Kryqit të Kuq (KNKK).

Ata u dërguan më pas në Spitalin e Martirëve Al-Aksa në Deir al-Balah në Gazën qendrore për kontrollet e nevojshme mjekësore.

Burime mjekësore në spital e përshkruan gjendjen fizike dhe psikologjike të të burgosurve të liruar si “të vështirë”.

Ata ia atribuan shëndetin e dobët të individëve asaj që e quajtën “masa arbitrare” dhe kushteve të ashpra në mjediset e burgjeve izraelite.

Lirimi u shënua nga skena emocionale jashtë spitalit, ndërsa familjet u ribashkuan me të afërmit e tyre.

Ky lirim është pjesë e një modeli ku autoritetet izraelite lirojnë periodikisht grupe të të burgosurve.